ბაგრატის ტაძარი

ბაგრატის ტაძარი მდებარეობს საქართველოს დასავლეთ ნაწილში, ქუთაისში და არის ქალაქის სავიზიტო ბარათი, ეს ყველაზე პოპულარული ადგილია ტურისტების, ადგილობრივი მაცხოვრებლებისა და ყველასთვის, ვინც დაინტერესებულია ქრისტიანული კულტურით.
ბაგრატის ტაძარი ქალაქის ცენტრის ნებისმიერი წერტილიდან ჩანს, რადგან აშენებულია გორაზე, მთის უკიმერიონის გვერდით. ტაძრის ირგვლივ დანგრეული ციხე-სიმაგრის კედლებია შემონახული, დიდი მწვანე და კეთილმოწყობილი ეზოთი. აქ დგას დიდი ჯვარი და აქედან იშლება ქუთაისზე ულამაზესი ხედი.
ბაგრატის ტაძარი დიდი ზომისაა. ყურადღებას იზიდავს შენობის არქიტექტურული სტილი, უზარმაზარი ქვის კედლები, ლურჯი გუმბათები. ჯვარი. ხვამლის ფონზე გამოისახება მისი სილამაზე, სიამაყე და უდიდებულესობა.

ბაგრატის ისტორია

ბაგრატის ტაძარი მე -10 საუკუნეში იმერეთისა და აფხაზეთის მეფის ბაგრატ III ბაგრატიონის ხელმძღვანელობით აშენდა და დასრულდა 1003 წელს. ეს პერიოდი საქართველოსთვის “ოქროს ხანა” იყო, ქვეყანა ძლიერი, მდიდარი და აღიარებული იყო. ტაძარი ყოფილ ძალას ახსენებს და ყველა ქართველისა და ქრისტიანის გულს აღამაღლებს.
ტაძარს ბაგრატი მეფის სახელი დაერქვა. ბაგრატის ტაძრის მშენებლობის დამთავრებიდან ხუთი წლის შემდეგ ბაგრატ მეფემ დაიწყო ბრძოლა საქართველოს გაერთიანებისათვის და ეს ბრძოლა განაგრძო დიდმა დავით აღმაშენებელმა, რომელიც ამავე ეკლესიაში იყო კურთხეული მეფედ.
ბაგრატის ტაძარი ძალიან განსხვავდება სხვა ეკლესიებისგან. ეს არის ერთ-ერთი უდიდესი საკათედრო ტაძარი, რომელიც აღმართულია მთაზე.

ბაგრატი ტაძარი მოგვითხრობს შუა საუკუნეების საქართველოს ისტორიას, მისი ჩუქურთმებით და მოზაიკებით, რომლის ნაშთები შემონახულია როგორც კედლებზე, ასევე იატაკზე და წარმოადგენენ ოქროს ხანის ქართული ხუროთმოძღვრების ნიმუშებს.
დღესდღეობით ხატები ნაკლებადაა შემონახული. შეიძლება აღინიშნოს წმინდა ღვთისმშობლის ხატი.

კარგადაა შემონახული წარწერა, რომელიც გვიჩვენებს ტაძრის მშენებლობის თარიღს.
ბაგრატის ტაძარი, ისევე როგორც სხვა ეკლესიები საქართველოში, კულტურული ცენტრი იყო და სასულიერო, საგანმანათლებლო ფუნქციებს ასრულებდა. გარდა ამისა, ტაძარი ქართველების თავშესაფარი იყო, როცა მტერი თავს ესხმოდა, აქ აკურთხებდნენ მეფეებს და ნათლავდნენ ბავშვებს, როცა იყო მშვიდობა, აქ იწერდნენ ჯვარს და ატარებდნენ დღესასწაულებს, ამ კედლებში ხდებოდა ყველა მნიშვნელოვანი მოვლენა.

მართლმადიდებლურმა რწმენამ განამტკიცა და გააძლიერა სახელმწიფო, რისთვისაც მეფე ბაგრატი წლების მანძილზე იბრძოდა.
ბაგრატის ტაძარი დიდი ხნის მანძილზე, ხუთი საუკუნის განმავლობაში შეუცვლელად იდგა და ემსახურებოდა ხალხს, მხოლოდ XVII საუკუნეში, როდესაც ქუთაისი ოსმალებმა დაიპყრეს, თურქებმა ტაძარში ისეთი აფეთქება მოაწყვეს, რომ სახურავი ჩამოინგრა და კედლებიც დაზიანდა.

ბაგრატი დღეს

რამოდენიმე წლის შემდეგ ციხის მთელი აღმოსავლეთი ნაწილი განადგურდა.
1994 წელს ბაგრატის ტაძარი იუნესკოს მსოფლიო მემკვიდრეობის სიაში შეიტანეს.
2010 წელს ბაგრატის ტაძარზე აღდგენითი სამუშაოები დაიწყო და დღეს ყველას აქვს საშუალება იხილოს განახლებული სალოცავი რომელიც კიდევ უფრო მაღალი და ბრწყინვალე გახდა.
2012 წელს ტაძრის გუმბათზე აღმართეს ჯვარი, რაც განსაკუთრებით მნიშვნელოვანია მორწმუნეებისა და მრევლისთვის.

ტაძარი ეკლესიას დაბრუნდა და იქ უკვე ტარდება წირვა. ის ღიაა ყველასათვის, ვისაც უყვარს და პატივს სცემს ქართველ ერს.